close
小弟同樓主一樣非常鐘意瑞士，兩年前我去過嗰度玩左幾日，嗰度實在係人間仙境，絕對值得一遊。
去瑞士主要睇湖光山色，剩係呢樣野已經夠。我因為時間唔係好夠，所以只去左大路既景點，包括少女峰(Jungfrau)及係佢山腳既Interlaken，亦順便係Interlaken遊埋湖(Interlaken本身就係“兩湖之間”既意思)。然後又去左Zermatt上馬特杭峰(Matterhorn)。最後去左Luzern睇古木橋，然後由蘇黎世返香港。
樓主當然唔駛同小弟一樣咁去，因為另外仲有啲唔錯既景點。如果樓主想睇多啲山，可以去法瑞邊境遊覽白朗峰(Mont Blanc)，不過點去我唔係好清楚，好似要由日內瓦出發。樓主亦可以去西庸(Chillon)睇古堡。
小弟建議樓主睇多幾本講瑞士既書，然後搵旅行社幫你搞成個行程。由於瑞士極端太平，而且瑞士人英文好到匪夷所思，所以唔需要跟團，樓主完全可以自由行。
全站熱搜
留言列表
